Váhnemat dahje eará čuovusolbmot
Lea dehálaš ahte son gii čuovvu máná dahje nuora mánáidvissui, lea dakkár olmmoš gean mánná/nuorra dovdá ja geasa lea oadjebas oktavuohta.
Jurddaš ahte sáhttá go leat ávkkálaš váldit mielde soapmása gean dovddat, gii sáhttá vuordit du luhtte ja gii sáhttá leat doarjjan. Erenoamáš heivvolaš sáhttá leat jus dus leat unnit mánát ja háliidat veaháš háleštit okto ráđđeaddiin, veahkkeadvokáhtain dahje sullasaččain maŋŋil, dan bottas go mánás lea oahpes olmmoš geainna beasat ovttastallat.
Mii fállat borramuša ja juhkamuša.
Loga áinnas "Dábálaš reakšuvnnat" "Mánát ja nuorat" ovdal go boahtebehtet.
Máná ráhkkanit ovdal go ságastallá politiijain:
Son gii gažada dahje politiijadutki riŋge dábálaččat ovddalgihtii. Dasa lassin sii dábálaččat riŋgejit beaivvi ovdal ráhkkanahttit/soahpat dárkileappot gažadeami birra. Goas mánná galgá deaivvadit, praktihkalaš gažaldagaid ja maid mánnái sáhttá leat ávkkálaš muitalit šiehtaduvvo dalle, jus dat ii leat juo dahkkon. Maŋŋel min guossástallama ávžžuhat mii ahte mánás lea nu ráfálaš ja unnán gáibideaddji maŋŋelgaskabeaivvi ja eahket go vejolaš. Mánnái berre addot vejolašvuohta vuoiŋŋastit, reguleret oktavuođa earáiguin, ja vel doaibmadási. Dát mearkkaša ahte mánná ii mana skuvlii loahpageahčen skuvlabeaivvi. Sii berrejit áinnas oažžut dieđu ahte bihtáid dahje skuvlabarggut maŋiduvvojit boahtte beaivái. Mii diehtit ahte gánniha plánet ja láhčit dili dasa. Mánáidviesu orrun ja buot dainna mii das lea čuohcá mánnái ja gáibida das ollu.
